കാതോര്‍ത്ത്
കൗണ്‍സിലിംഗ്, നിയമസഹായം, പോലീസ് സഹായം എന്നിവ ആവശ്യമുള്ള സ്ത്രീകള്‍ക്ക് ഓണ്‍ലൈന്‍ കണ്‍സട്ടേഷന്‍
ബഹു.കേരള മുഖ്യമന്ത്രിയുടെ പത്തിന പരിപാടിയുടെ ഭാഗമായി സമൂഹത്തില്‍ വിവിധ തരം പ്രശ്നങ്ങള്‍ നേരിടുന്ന സ്ത്രീകള്‍ക്കു സ്വന്തം താമസസ്ഥലത്തു നിന്നു തന്നെ ഓണ്‍ലൈനായി കൗണ്‍സലിംഗ്, നിയമസഹായം, പോലീസ് സഹായം എന്നിവ ലഭ്യമാക്കുന്നതാണ് പദ്ധതിയുടെ ഉദ്ദേശ ലക്ഷ്യം. ഇതിലൂടെ അവര്‍ക്ക് യാത്രാക്ലേശം, സമയ നഷ്ടം, എന്നിവ ഒഴിവാക്കാവുന്നതോടൊപ്പം അടിയന്തിര പരിഹാരം ലഭ്യമാക്കുവാനും കഴിയുന്നു.
പ്രവര്‍ത്തനം എങ്ങനെ ?
വനിതാ ശിശു വികസന വകുപ്പു മുഖേന നടപ്പാക്കുന്ന മഹിള ശക്തി കേന്ദ്ര പദ്ധതിയിന്‍ കീഴില്‍ ജില്ലാതലത്തില്‍ District Level Centre for Women രൂപീകരിച്ചിട്ടുണ്ട്. ഇവയുടെ മേല്‍നോട്ടത്തില്‍ സേവനം ആവശ്യമായ സ്ത്രീകള്‍ക്ക് പദ്ധതിയ്ക്കായി പ്രത്യേകം രൂപീകരിച്ച portal – ല്‍ രജിസ്റ്റര്‍ ചെയ്യാവുന്നതും കൗണ്‍സലിംഗ്, നിയമസഹായം, പോലീസ് സഹായം എന്നിവ അടിസ്ഥാനമാക്കി തരം തിരിച്ച് ബന്ധപ്പെട്ട കണ്‍സള്‍ട്ടന്റ്മാര്‍ക്ക് കൈമാറുകയും അവര്‍ നല്‍കുന്ന സമയം (appointment) പരാതിക്കാരിയെ അറിയിക്കുകയും ആയതു പ്രകാരം ഓണ്‍ലൈന്‍ ആയി കണ്‍സള്‍ട്ടന്റ്മാരുടെ സേവനം അപേക്ഷകക്ക് യഥാസമയം ലഭ്യമാക്കുന്നതുമാണ്. ഓണ്‍ലൈന്‍ കണ്‍സള്‍ട്ടേഷനു ലീഗല്‍ ആന്റ് സൈക്കോളജിക്കല്‍ കൗണ്‍സിലേഴ്സ്, സൈക്കോളജിസ്റ്റ്, എന്നിവരുടെ ലിസ്റ്റില്‍ നിന്നും പ്രാപ്തരായ താല്‍പര്യമുള്ളവരുടെ പാനല്‍ തയ്യാറാക്കുകയും ഇവരുടെ വിവരം മഹിളാ ശക്തി കേന്ദ്ര(MSK) മുഖാന്തിരം ലഭ്യമാക്കുകയും സേവനം നല്‍കുകയും ചെയ്യുന്നതാണ്. പോലീസ് സഹായം ആവശ്യമുള്ള പക്ഷം Women cell ന്റെ സേവനം പോർട്ടൽ മുഖേന ലഭിയ്ക്കുന്നതാണ്.